عايز تكسب من جوجل بجد(لو سمحت خد بالك من الكلام ده كويس)

منتدى المال والأعمال.....أعمال....أموال....فلوس...مواقع...عملت موقعك..مش مشكله...وضعتة على محركات البحث.

.ترافيك...seo....طاب ياجماعة طاب أعمل إيه ...أنا كسبت من جوجل النهاردة 100 دولار بس!! هو ايه الموضوع؟؟؟زائرين لموقعك كتير ولا قليل...كام لينك ليك فى كام موقع...أخبار جوجل أدسينس ايه...طاب الأسكريبت بتاع إعلانات جوجل الجديد عامل ايه...حد جربه...أيوه تمام كلنا جربناه ده تمام...طاب أدبيرت...و اوكسادا...طاب ايه رأيكم فى الشركة الفلانية....الحمد لله ...شيك ب1000 دولار من أدبيرت..طاب ممكن بقى حد يعرف يجيب الأسكريبت الفلانى أصل محتاجة؟؟؟خد ياأخى ده البرنامج وجربه......كلام.....المفروض يبقى وضعة الطبيعى فى منتدى المال والأعمال...تمام.؟أنا من مصر ..أنا من المغرب....أنا من الكويت ولا السعودية...طاب وإية المشكلة..مش ده الموضوع ...انا بتكلم فى تجارة الكترونية...يعنى من الهند أو من الكنغو الديمقراطية...مش هتفرق....دخول فى تفاصيل لا تمس للموضوع بأى شئ...اللى هيدخل المنتدى مش هيصدق إن هو فى قسم المال والأعمال....(من كام يوم كده واحد دخل فى موضوع وكتب هو أنا فين؟؟ ...كلمة غاية فى البساطة ولكن تعبر عن أمور كثيرة...ولكن لم أعى هذه الكلمة إلا الأن..واحد مثلا كاتب موضوع.....الوضع الطبيعى إن الرد يبقى فى سياق الموضوع...يعنى مثلا مينفعش إن واحد داخل بيتكلم عن الترافيك وأرد عليه أقول له بكام العنب ده...(ملحوظة قصدى بالعنب أى فاكهة يعنى)علشان مفيش واحد يرد ويسأل هو العنب اللى إنت تقصده أخضر ولا أحمر.....عايز بجد تبقى رجل أعمال....أقول لك...مش شرط رجل أعمال.....راجل ناجح أو شاب ناجح...عامل ناجح...متضيعش وقتك فى كلام فاضى...يعنى بدل ماترد على واحد علشان قال لك كلمة مش عاجباك فى منتدى....إستغل الوقت فى حاجات تفيدك...سواء تصميم أو إشهار موقعك....أى واحد ممكن يعمل موقع يسهولة ...بس مش أى واحد يعرف يشهر موقعة صح...أى واحد ممكن يعمل موقع فى يوم....بس مش أى واحد يعرف يعمل موقع...عارف يعنى ايه موقع؟؟....يعنى واحد(بنى أدم) يدخل عليه يلاقى فيه حاجة.......أنا كنت عملت موضوع إسمة حوار بين خسران وكسبان...وكنت فعلا هعمل حلقات منه...بس لما لقيت إن الوضع كده...قلت أريح دماغى....بجد ياشباب...إحنا بنخلق مشاكل شخصية ملهاش داعى....وياريت على حاجة تستحق...إنما مشاكل على الفاضى والمليان.....ماتيجوا بقى نشتغل صح وسيبنا بقى من تضيع الوقت ده...هما الأجانب بيعملوا فى المنتديات زى اللى إحنا بنعملوه ده...والله أبدا....أساسا الوقت عندهم مايستوعبش اللى إحنا بنعمله ده....ماشى الحال؟....كفاية بقى مواضيع شخصية...كفاية بقى...بتقعد على النت بالساعات..المفروض بقى تعمل حاجة...لو عايز فعلا تعمل موقع وتشترك فى جوجل أو أى شركة تانية...حرام عليك عنيك...لو لو هتقعد يبقى إعمل حاجة صحلو مش حاسس إنك كل يوم بتتعلم جديد...ياريت تبيع الكمبيوتر بتاعك......شوية كلام والله من قلبى......لو كنت فعلا مش كويس ماكنتش تعبت نفسى وكتبت الكلام ده...بس والله ياشباب إحنا زى الفل....وفينا صفات كويسة كتير بس محتاجين شوية إيجابية بس....ياريت بقى تكون كلمتى دى ...بداية المواضيع اللى بجد فى منتدى المال والأعمال....وياعم المسامح كريم....إضحك بقى...